هه‌واڵ و چالاكی

كۆبونەوەی ئەنجومەنی باڵای ئەوقاف و لێژنەی بۆرد و ئەنجومەنی زانستی بەڕێوەچوو

وەزیری ئەوقاف: مامۆستایانی ئایینی پێگەیان تایبەتە و ھەمیشە جێگەی ڕێزن

ڕاگەیاندنی وەزارەت
ئەمڕۆ دووشەممە رێكەوتی 2019/9/2 بەرێز د. پشتیوان سادق وەزیری ئەوقاف و كاروباری ئایینی سەرپەرشتی كۆبونەوەیەكی بەرفراوانی ئەنجومەنی باڵای ئەوقاف و لیژنەی بۆرد و ئەنجومەنی زانستی وەزارەتی ئەوقاف و كاروباری ئایینی كرد.
کۆبونەوەکە بە ئامادەبوونی د.عبداللە سەعید وەیسی سەرۆكی یەكێتی زانایانی ئایینی ئیسلامی كوردستان و سەرجەم ئەندامانی بۆردو ئەنجومەنی زانستی بەڕێوەچوو
سەرەتابەڕێز وەزیری ئەوقاف و كاروباریی ئایینی بە خێرهاتنی ئامادەبوانی كرد سوپاسی تایبەتی خۆی ئاراستەی مامۆستایانی ئایینی بەڕێز کرد کە لە رابردوو لەئێستاشدا رۆڵی بەرچاویان هەبووە لە خزمەتكردن و پێشكەشكردنی ووتارە باشەكانیان و هەبوونی كاریگەری ئەرینی بەگشتی. گوتیشی بەردەوام دەبین لە خزمەت كردنی زیاتر ئەو سێكتەرانەی كە پەیوەندی راستەوخویان هەیە بە وەزارتی ئەوقاف و كاروباری ئایینی ھەروەھا لە سەر ستراتیژیەتی وەزارەت و قوڵتركر نەوەی زیاتری پێكەوە ژیان لە هەرێمی كوردستان .
كار دەكەین لە سەر جێبەجێكردنی ئەو هێڵە گشتیانەی كە لە چوار چێوەی كارنامەی كابینەی نۆیەمی حكومەتی هەرێمی كوردستان ئاماژەیان پێكراوە.
لە کۆتاییدا ئامادەبوان بریاریاندا هەفتەی داهاتوو كۆبوونەوەیەكی تر سازبكرێت تێدا تەواوی پێشنیار و سەرنجەكان بكرێنە هێلی گشتی و بریاری پێویستیان لە سەر بدرێت.

Show More